幸福摩天輪——娛記血淚進化史

幸福摩天輪——娛記血淚進化史
2008年7月24日

偉仔和嘉玲飛到不丹成婚，慘害了一班娛記，既要派人分幾更在泰國機場閘口，攔截一切貌似明星及其家眷的大小物體，亦要駐重兵在一對新人，及其他賓客下塌的酒店大門口，偷拍哪怕是一張半張的正面、側面相，風餐露宿，冇啖好食，還要被「實Q」驅趕、忍受大牌明星的黑面。

我不禁歎了口氣，十幾年前初入行，明星和記者相敬如賓，前者結婚，會在婚宴場內設記者席，任由記者「自由行」拍照、訪問，女明星又會在婚前跟相熟記者做獨家專訪、大派婚紗照，如今，劉嘉玲只會接受林燕妮訪問，其他娛記信唔過。當年，行內有一些阿姐，和明星friend過打Band，登堂入室促膝談心（即係放料），一起打牌（交換情報），落D隊酒。林青霞初出道時，介紹給披皮草的娛記林冰認識時，便驚訝於阿姐的排場，林冰亦和黎明關係密切，儼如契媽。明星助手老遠見到大娛記來了，都前呼後擁。這和今天狗仔隊要扮鬼扮馬、車底，狼狽起來還要在山頭野嶺大小二便！真是今非昔比。

從前，娛記對明星處處「錫住就住」，不介意大話西遊兼放鱔。相比下，今天的娛記樣樣要「睇真」，為偷拍挖新聞搶讀者，遣詞用字亦不擇手段，例如稱王菲幼女為「兔唇女」，十分缺德！難怪明星對記者戒心甚重，敵我分明。連累讀者看來看去，都是「鬆郁朦」偷拍照，何苦呢？

潘麗瓊